ती आणि पाऊस

तिला पाऊस आवडायचा
तसा मलाही आवडायचा

तिला चिंब भिजायला आवडायचे
आणि मला मात्र ...
तिला भिजताना पहायला आवडायचे

धुंद बरसणाऱ्या पावसात
धुंदपणे नाचायला
तिला फार आवडायचे
आणि मला मात्र ....
तिची थिरकणारी पावले पहायला आवडायचे

ती मला नेहमी म्हणायची
भिजण्याचा आनंद घेऊन बघ
मग मीच तिला म्हणायचो
अंगावर चिखल किती आहे बघ

पावसात भिजण्याचा आनंद
मी कधी घेतलाच नाही
तिच्या आनंदात मी जरासा
कधीच सामील झालो नाही

आज मात्र मी वाट पाहतोय
पावसाच्या येण्याची
तिच्या आनंदात सहभागी होण्याची

पाऊस आला तरी
ती कधी आली नाही
थिरकणारी पावले तिची
पुन्हा कधीच थिरकली नाही